அனுபவம் புதுமை அவனிடம் கண்டேன்

அனுபவம் புதுமை
அவனிடம் கண்டேன்
அந்நாளில் இல்லாத பொல்லாத எண்ணங்களே
பொன்னான கை பட்டுப் புண்ணான கண்னங்களே
ல லா...

ஆண்:
தள்ளாடி தள்ளாடி நடமிட்டு அவள் வந்தாள்
ஆஹா சொல்லாமல் கொள்ளாமல் அவளிடம் நான் சென்றேன்
அது கூடாதென்றாள் மனம் தாளாதென்றாள்
ஒன்று நானே தந்தேன் அது போதாதென்றாள்,போதாதென்றாள்...

அனுபவம்...

பெண்:
கண் என்ன கண் என்று அருகினில் அவன் வந்தான்
ஆஹா பெண் என்ன பெண் என்று என்னென்ன கதை சொன்னான்
இது மாறாதென்றான் இனி நீயே என்றான்
கண்ணில் பார்வை தந்தான் துணை நானே என்றான், நானே என்றான்...

அனுபவம்...

ஆண்:
சிங்கார தேர் போலே குலுங்கிடும் அவள் வண்ணம்
ஆஹா சிற்றாடை முந்தானை தழுவிடும் என் எண்ணம்
அவள் எங்கே என்றாள் நான் இங்கே நின்றேன்
அவள் அங்கே வந்தாள் நாங்கள் எங்கோ சென்றோம்...

பெண்:
பனி போல் குளிர்ந்தது கனி போல் இனித்தம்மா
ஆஹா மழை போல் விழுந்தது மலராய் மலர்ந்ததம்மா
ஒரு தூக்கம் இல்லை வெறும் ஏக்கம் இல்லை
பிறர் பார்க்கும் வரை எங்கள் பிரிவும் இல்லை, பிரிவும் இல்லை...

அனுபவம்...